തലയെടുപ്പുള്ള ഗജ കേസരികള്‍ അന്നും ഇന്നും മനുഷ്യരുടെ വീക്നെസ് ആണ്..ആ വീക്നെസ് ആണ് മനുഷ്യനെ ഒരേ സമയം മൃഗീയ കാര്യങ്ങള്‍ ചെയ്യാനും കാണാനും ഉദ്ബോധിപ്പിക്കുന്നത്. മിണ്ട പ്രാണികളായ ആനകളുടെ ജീവിതം കൊണ്ടുള്ള കളിയില്‍ വിനോദ ഭാവവും , പലപ്പോളായി മരണത്തില്‍ കൊണ്ടെത്തിക്കുന്നതുവരെയുള്ള സംഭവങ്ങളും ഉണ്ടാകുന്നതു ഇപ്പോള്‍ ഒരു പതിവായി മാറിയിരിക്കയാണ് .അമ്പലപ്പറമ്പുകളിലും പൂരപ്പറമ്പ്കളിലും ആനകളെ എഴുന്നള്ളിച്ചു കൊണ്ട് നടത്തുന്നതു നയനാനന്ദകരമായ കാഴ്ച തന്നെയാണെന്ന കാര്യത്തില്‍ സംശയമില്ല ..എന്നിരുന്നാലും മിണ്ടാപ്രാണി കളുടെ എല്ലാ കാര്യത്തിന് വേണ്ടിയും അഹോരാത്രം പോരാടുന്നവര്‍ എന്തുകൊണ്ട് ആനകളുടെ കാര്യത്തില്‍ സമരം നടത്തി നിയമം കൊണ്ടുവരുന്നില്ല.. ? ചങ്ങലകളുടെ ചങ്ങാതിമാരായി ജീവിതം ഹോമിക്കപ്പെടുന്ന ആനക്കഥകള്‍ പൊടിപ്പും തൊങ്ങലും വെച്ച് വിളംബരം ചെയ്തു നടക്കുന്ന മനുഷ്യര്‍ അല്‍പ്പമെങ്കിലും ആലോചിച്ചെങ്കില്‍ ആനകളെ പീഡിപ്പിച്ചു നടക്കുന്നവര്‍ക്കെതിരെ നിയമം കൊണ്ടുവരമായിരുന്നു.ആന ചത്താലും ജീവിച്ചാലും പന്തീരായിരമെന്ന ചൊല്ലില്‍ മനുഷ്യനെന്ന ബിസിനെസ്സ് കാരന്‍റെ വികൃത മുഖം നമുക്ക് ദര്‍ശിക്കാം.പീഡന മുറകളുടെ കാഠിന്യം മദപ്പാടിലേക്ക് നയിക്കുന്ന സംഭവങ്ങള്‍ നമ്മുടെ നാട്ടില്‍ പതിവ് കാഴ്ചകളായി മാറിയിരിക്കുന്നു..യഥാര്‍ത്തത്തില്‍ ആന മുതലാളിമാര്‍ മുതലാളിമാരല്ല ആന കള്ളന്മാരാണ്.പരസ്യമായി ആനയെ വിലയ്ക്ക് വാങ്ങി നാട്ടുകാരെ പറ്റിച്ചു കീശ വീര്‍പ്പിച്ചു നടക്കുന്ന കൂട്ടരാണ്. മിണ്ടാപ്രാണികളുടെ ദീനരോദനം എന്നെങ്കിലും അവര്‍ക്ക് വിനയായി മാറട്ടെ ...
